نبذة من زجل احمد دحمون

بساط الريح
جيتك من الف ليل ليلة
على بساط الريح نطوي لعجاج
جيتك قطرة من سحابة ولادة
لضمت شتاها في سبحة ليام
جيتك مجمر من سند ولهند باشكال لبخور

جييتك بلجام مقطع وشكارة لغبار
جيتك بحار نجدف فمواج اللي كان
جيتك شهرزاد قصيدة وشهريار لسان نساي
يدخل كل ليلة بكلمة و يعلق لحزام
في راس لبلغةيخرج دم
مكبد مداد وبهاد دم
لمسفوح كتبنا تاريخ ليام
وسكتت شهرزاد ورقد لفروج في حجر شهريار
و ما بقا يكاكي
وجلست شهرزاد قدام لمراية تماكي
و هادا شهر زاد وقرن وميلاد
من تقابي لغربال تطلع
من بيضة لحجل تطلع
شهرزاد تانية تعشش فلبال
تفتح كتاب لمعاني وتسد تاريخ النخوة تاني
ويجيك قمار في صيفة بشار ويقول
يا ليعة التاريخ
يا ليعة لخبارما بقات
ريشة ما بقا مداد ما بقات
طيسة مابقا سداد
صار التاريخ عود ملجم
مابقات فيه نخوة ما بقا حران
ياليعت لعود لمقيد
يا ليعة شقوق لكتاف
وتجيك شهرزاد اخرى في كتاب
لفضايح تقرا
تجيك كركازة نابتة في زبالة هاد لجيل
تعرف طريق من دار لدار
تعرف طريق من بار لبار
تغزل لغبار
تزرع لعار
وشقق لحمل على كتاف لعود
ما بقا قادر يفتح بلدان ما
ما بقات فيه نخوة ما بقا حران
ياليعة لعود لمقيد ياليعةشقوق لكتاف









فكر في شي تخريجة بلا باود
فكر في شي صيد بلا نبلة
كون عنتر لمعاني
تجيك لقوفي في صيفة عبلة




باسم اللهه نحط لقلم ودواية
نفتح لكتاب حروف منقطة كحل من لغراب
سطور مخبلة في كبة من سراب
باسماللهه نبدا من سماالسابعة
نزل لبراق
نفخ نفة في ريش سحاب ولات شرقي
تحطت ورقة تشتو لحروف
تحط لميزان ضاعو صروف
وعلى بواب الترعة نلقط لحروف
لقيت لجيم نجمة معلقة في
شوك سدرة واللام
لوبان نبت في عنق سدرة
والواو ياقوتة مرصعة في
عيون شجرة
واللام سما خوه جلول
وصارت لحكاية غمزة موكة
نغزة شوكةفي شحمة لقدام
صيادنعام كان جلول
يغفلها ملي تمشط سوالف ليام
..............يتبع


احمد دحمون